کەشناسیی هەرێمی کوردستان ڕایدەگەیەنێت، سبەی هەینی، بارانبارین و هەورەبروسکە دەستپێدەکات.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان ڕایگەیاند، ئەمڕۆ پێنجشەممە، ئاسمان ساماڵ و پەڵەهەور دەبێت، لە هەندێک شوێن بۆ نیمچەهەور دەگۆڕێت و پلەی گەرمییش 1 تا 2 پلە بەرزدەبێتەوە.
ئاماژەی بەوەشکرد، سبەى هەینی، ئاسمان پەڵەهەور بۆ نیمچەهەور دەبێت، لە هەندێک کات و شوێن دەگۆڕێت بۆ هەوری تەواو؛ لە کاتەکانی نیوەڕۆدا، بارانبارین لە ناوچەکانی ڕۆژهەڵات و باکوور بەشێوەی گەواڵە بارانی بەهاری و هەورەبروسکە دەبێت، بەتایبەت لە ناوچە شاخاوییەکان ڕێژەی باران زیاتر دەبێت، پێشبینی دەکرێت تا کاتەکانی ئێوارە تاوەباران و هەورەبروسکە لە کات و ناوچەی جیاجیا، بەردەوامیی ببێت.
پێشبینییش دەکات، پلەی گەرمی بەراورد بە ئەمڕۆ کەمێک بەرزتر ببێتەوە.
بەرزترین پلەی گەرمیی پێشبینیکراو بە پلەی سیلیزی
هەولێر: 24 پلەی سیلیزی
پیرمام: 19 پلەی سیلیزی
سۆران: 21 پلەی سیلیزی
حاجی ئۆمەران: 14 پلەی سیلیزی
سلێمانی: 24 پلەی سیلیزی
چەمچەماڵ: 24 پلەی سیلیزی
دهۆک: 25 پلەی سیلیزی
زاخۆ: 25 پلەی سیلیزی
هەڵەبجە: 24 پلەی سیلیزی
گەرمیان: 26 پلەی سیلیزی
