بڕیارە ئەمڕۆ کۆبوونەوەی وەفدی دانوستانکاری یەکێتی و پارتی لە سلێمانی کۆدەبنەوە.
سەعدی ئەحمەد پیرە، وتەبێژی یەکێتیی نیشتمانیی کوردستان رایگەیاند، “ئەمڕۆ وەفدی دانوستانکاری یەکێتی و پارتی لە سلێمانی بۆ گفتوگۆکردن لەسەر دواین پەرەسەندنەکانی پێکهێنانی کابینەی نوێی حکومەتی هەرێم کۆدەبنەوە”.
باسی لەوەشکرد، “بەرەوپێشچوون لە گفتوگۆکانی پەیوەست بە پێکهێنانی کابینەی نوێی حکومەت هەیە، خوازیارین بەزووترین کات هەردوولا لەسەر کۆی خاڵەکان بگەنە رێککەوتن و حکومەتێکی خزمەتگوزار و کارا کە وەڵامدەرەوەی ئەم قۆناغەبێت پێکبهێندرێت”.
