بەرپرسی ڕاگەیاندنی بەرگریی شارستانی دهۆک ڕایگەیاند، دواینیوەڕۆی ئەمڕۆ ئاگر لە خوێندنگەیەکی ئاوارەکانی قەزای ئاکرێ کەوتەوە و توانراوە کۆنترۆڵبکرێت.
بێوار عەبدولعەزیز، بەرپرسی ڕاگەیاندنی بەرگریی شارستانی دهۆک بە تۆڕی میدیایی ئێستای ڕاگەیاند، “ئاگرەکە زیانی زۆری بەر بینا و کەلوپەلەکانی خوێندنگەکە گەیاندووە، بەڵام زیانی گیانیی نەبووە”.
لە بارەی هۆکاری ئاگرەکەوە ، بەرپرسی ڕاگەیاندنی بەرگریی شارستانی دهۆک وتی، بەپێی قسەی شایەتحاڵەکان، هۆکارەکە شۆرتی کارەبا بووە، بەڵام ئەوان لیژنەیەکیان پێکهێناوە بۆ هۆکاری ڕاست و دروستی ڕووداوەکە.
پێشتریش لە وەرزی گەرمادا چەندین جار ئاگر لە کامپی ئاوارەکان لە پارێزگای دهۆک کەوتەوە و پۆلیسی دهۆکیش کۆی هۆکاری ئاگرەکانی بۆ شۆرتی کارەبا گەڕاندووەتەوە.
