سەرچاوەیەک لە وەزارەتی دارایی هەرێمی کوردستان ئاشکرایدەکات، دابەشکردنی مووچەی مانگی ئازار دەکەوێتە پاش پشووەکانی جەژن.
سەرچاوەیەک لە وەزارەتی دارایی هەرێمی کوردستان ئاشکرایکرد، بەهۆی پشووەکانی جەژنەوە، تاوەکو 24ی ئازاری 2026 لە عێراق پشووە، پاش تەواوبوونی پشووەکان، لیستی مووچەی مانگی ئازار ڕەوانەی بەغداد دەکرێت.
ئاماژەی بەوەشکرد، هاوشێوەی مانگەکانی پێشوو، وەفدێکی تەکنیکی و یاسایی دەچنە بەغداد و لیستی مووچەی کەسوکاری شەهیدان و خاوەنپێداویستیی تایبەت، کە لە سیستمی پەیڕۆڵدا نین، لەگەڵ خۆیاندا دەیبەنە بەغداد و پاش وردبینیکردنی دەگەڕێنەوە هەرێمی کوردستان.
