فازڵ عومەر، قائیمقامی بەوەکالەتی قەزای ناوەندی سلێمانی لەبارەی بابەتی تەندروستیی ئەو مریشکەی لە بازاڕەکاندا بە هاوڵاتییان دەفرۆشرێت رایگەیاند، “هیچ مەترسییەک لەسەر ژیانی خەڵک نییە و ئەو مریشکەی لە بازاڕ دەفرۆشێت و هەموومان دەیخۆین تەندروستە، ئەو بابەتە لە سنوورێکی دیاریکراودا بووە و لەلایەن دەزگای ئاسایشی هەرێمی کوردستانەوە کۆنتڕۆڵکراوە.”
ئاماژەی بەوەشدا، “گلەییمان لە کەناڵەکان ئەوەیە راستییەکەیان پشانی خەڵك نەداوە، گوێ لە لایەکیان دەگریت، دەڵێیت کەس بە ساخی دەرناچێت، گوێ لەوەی دیکەیان دەگریت، دەڵێیت هیچ رووینەداوە.”
