وتەبێژی بەنزینخانەكانی سلێمانی ڕوونكردنەوە لەبارەی هەرزانتربوونی نرخی بەنزینی نۆڕماڵ لە چەند بەنزینخانەیەكی دەرەوەی شار دەدات و تەئكیددەكاتەوە بەنزینەكەیان لە پشكنیندا دەرچووە و گرفتی نییە.
لە چەند بەنزینخانەیەكی دەرەوەی شاری سلێمانی بەنزینی نۆڕماڵ بە كەمتر لە نرخی ناوشار دەفرۆشرێت لە چەند بەنزینخانەیەكی دەرەوەی شار یەك لیتر بەنزینی نۆڕماڵ بە 850 دینارە.
بەهمەن شێخ قادر، وتەبێژی بەنزینخانەكانی سلێمانی لە لێدوانێكدا بە تۆڕی میدیایی ئێستای ڕاگەیاند، نرخی بەنزینی نۆڕماڵ لە سەنتەری شاری سلێمانی بە 900 دینارە و نرخەكەی دانەبەزیوە.
ئاشكرایكرد، لە بەنزینخانەكانی دەرەوەی شاری سلێمانی بە هەرزانتر دەفرۆشرێت كەمتر فرۆشیان هەیە نرخەكەی هەرزانتر دەكرێت كڕیار بۆ خۆیان زیاد دەكەن.
وتەبێژی بەنزینخانەكانی سلێمانی دڵنیایدا، “ئەو بەنزینەی لە بەنزینخانەكانی دەرەوەی شاردا دەفرۆشرێن لەپشكنین دەرچوون و هیچ گرفتێكی نییە”.
