لیژنە هاوبەشەکانی قائیمقامیەتی سلێمانی ئاشكرایكرد، بڕێک خورمای وشکی خراپبوو دەستی بەسەردا گیراوە و لەناوبراوە.
رێکان جەمال سەرۆکی لیژنە هاوبەشەکانە لە قائیمقامیەتی سلێمانی، لەبارەی پرسەكەوە دەڵێت، “لیژنەی عەلوەی سلێمانی لەناو عەلوەی سلێمانی دەستیگرتووە بەسەر 175 کیلۆگرام خورمای خراپبوودا”.
بەپێی وتەی سەرۆکی لیژنە هاوبەشەکان، “خورماکە لە جۆری زوهدیی وشکە و پاش دەستبەسەرداگرتنی، نموونەی خورماکە نێردراوە بۆ تاقیگەی عەلوەی سلێمانی و دوای ئەنجامدانی پشکنینی تاقیگەیی دەرکەوتووە خورماکە خراپبووە و شیاوی بەکارهێنان نییە و لەناوبراوە”.
