شارەزایەکی کەشناسی، رایگەیاند، شەپۆلی گەرما بەڕێوەیە.
پشتیوان پێنجوێنی، شارەزای کەشناسی، بە تۆڕی میدیایی ئێستای راگەیاند، سبەینێ شەپۆلی گەرمای لاواز روودەکاتە ناوچەکانی هەرێمی کوردستان.
وتیشی، لە بەشێکی ناوچەکانی هەولێر، کەرکوک و ئیدارەی گەرمیان بۆ ماوەیەکی کاتی هەست بە گەرمای بێزارکەر دەکرێت، ناوچەکانی دیکە کەشێکی تەواو بەهاریی دەبێت.
ئاماژەی بەوەشکرد، ئەو شەپۆلە گەرمایەی سبەینێ و دووسبەی کاتییە و لە رۆژی دووشەممه و رۆژانی دواتر سەرما دێتەوە و بارستەهەوای سارد روودەکاتە ناوچەکانی هەرێمی کوردستان و پلەی گەرمی مەودای رۆژی دووشەممە بۆ رۆژی پێنجشەممە بەڕێژەی 9 بۆ 12 پلە نزمدەبێتەوە لە رۆژی دووشەممە و سێشەممە لە بەشێکی ناوچەکانی هەرێمی کوردستان باران دەبارێت.
