ئەمڕۆ لە سلێمانی، بافڵ جەلال تاڵەبانی، سەرۆکی یەکێتی و شاسوار عەبدولواحید، سەرۆکی نەوەی نوێ کۆدەبنەوە.
بەپێی زانیارییەکان، بڕیارە کۆبوونەوەکە کاتژمێر 11:30ـی پێشنیوەڕۆی ئەمڕۆ بەڕێوەبچێت و کۆبوونەوەکەش، لە چوارچێوەی هەوڵە بەردەوامەکانی هەردوو لایەنە بۆ هەماهەنگیی سیاسی لە هەرێمی کوردستان.
پێشتر لە 17ـی کانوونی دووەمی 2026، بافڵ جەلال تاڵەبانی و شاسوار عەبدولواحید کۆبوونەوە و رێککەوتنێکی سیاسییان بۆ یەکخستنی فراکسیۆنەکانیان راگەیاند. ئامانجی ئەم رێککەوتنە، گۆڕینی هاوسەنگیی هێز و بەشداریکردنی کاریگەرە لە حکومڕانیی داهاتووی هەرێمی کوردستاندا.
