بەرپرسێكی شارەوانیی سلێمانی رایدەگەيەنێت، شارەوانیی سلێمانی زەوی ئامادەكردووە و هەر وەزارەتێك رێكارەكانی تەواوبوو زەوی بەسەر فەرمانبەرانیدا دابەشدەكرێت.
زەردەشت رەفیق، بەڕێوەبەری راگەیاندن لە سەرۆكایەتیی شارەوانی سلێمانی لە لێدوانێكدا بە تۆڕی میدیایی ئێستای راگەیاند، “شارەوانیی سلێمانی زەوی ئامادەیە بۆ دابەشكردن و هەركاتێك ناوەكان لە ئەنجومەنی وەزیرانەوە واژووی لەسەركرا ئێمەش زەوییەكانیان بەسەردا دابەشدەكەین”.
ئاماژەی بۆ ئەوەش كرد، ئەو فەرمانبەرانەی كە لە وەرگرتنی زەوی سوودمەند دەبێت پێویستە خزمەتی لە 8 ساڵ كەمتر نەبێت و شارەوانی سلێمانی زەوی لەبەردەستە و هەر وەزارەتێك ناوەكانی تەواوبوو، دەتوانرێت زەوییان بەسەردا دابەشبكرێت”.
