هێزەکانی ئاسایشی ناوخۆ لە کانتۆنی جەزیرە قەدەغەی هاتوچۆی لە شارەکانی حەسەکە و قامیشلۆ راگەیاند.
هێزەکانی ئاسایشی ناوخۆ لە کانتۆنی جەزیرە رایگەیاند، قەدەغەکە بەم شێوەیە جێبەجێدەکرێت:
– حەسەکە (لە کاتژمێر 06:00ـی بەیانیی سبەی دووشەممەوە تاوەکو کاتژمێر 06:00ـی ئێوارە).
– قامیشلۆ (لە کاتژمێر 06:00ـی بەیانیی رۆژی سێشەممەوە تاوەکو کاتژمێر 06:00ـی ئێوارە).
جەختیش لە پێویستیی پابەندبوونی ھاوڵاتییان بە بڕیارەکە دەکاتەوە و دەڵێت، رێوشوێنی یاسایی بەرامبەر ھەر کەسێک دەگیرێتەبەر، کە سەرپێچی بکات.
ئاماژە بەوەشکراوە، کە ئەم رێوشوێنە “بۆ پاراستنی ئاسایش و سەلامەتیی دانیشتووان” دەگیرێتەبەر.
ئەم بڕیارە چەند کاتژمێرێک پێش رێککەوتنی نێوان حکومەتی سوریا و هێزەکانی سوریای دیموکرات، دەچێتە بواری جێبەجێکردنەوە، کە بەپێی ئەو رێککەوتنە، بڕیارە سبەی هێزەکانی ئاسایشی ناوخۆ بچنە ناو شارەکانی حەسەکە و قامیشلۆ.
