کارنامەی کۆبوونەوەی ئەنجومەنی نوێنەرانی عێراق ئاشکراکرا

بڕیارە سبەی دووشەممە، ئەنجومەنی نوێنەرانی عێراق دانیشتنێک ئەنجامبدات و تاوتوێی چەند بڕیارێکی حکومەت بکات پەیوەست بە مووچەوە.

لە راگەیەندراوێکی نووسینگەی راگەیاندنی ئەنجومەنی نوێنەرانی عێراقدا ئاماژە بەوە کراوە کە رۆژی دووشەممە 26ـی کانوونی دووەمی 2026، ئەنجومەنەکە دانیشتنی ژمارە حەوتی خۆی ئەنجام دەدات و تێیدا بڕیارەکانی ئەنجومەنی وەزیران سەبارەت بە پرسە ئابوورییەکان و مووچە تاوتوێ دەکرێت.