عێراق لە مانگی شوبات-دا بە بەهای زیاتر لە 5 ملیار دۆلار نەوتی هەناردە كردووە

وەزارەتی نەوتی عێراق هەناردەی نەوتی مانگی شوباتی بڵاوكردەوە، لەو مانگەدا بە بەهای زیاتر لە 5 ملیار دۆلار نەوتی هەناردە كردووە.

لە ڕاگەیەندراوێكدا، ئەمڕۆ دووشەممە 1ی ئازار، وەزارەتی نەوتی عێراق ئاشكرایكردووە، “لە مانگی شوباتدا عێراق 82 ملیۆن و 877 هەزار و 757 بەرمیل نەوتی هەناردەی دەرەوە كردووە”.

سەبارەت بە داهاتی نەوتی فرۆشراوی ئەو مانگە، وەزارەتەكە ئاشكرایكردووە، “كۆی داهاتی نەوتی هەناردەكراوی عێراق لە مانگی ڕابردوودا 5 ملیار و 26 هەزار و 807 دۆلار بووە”.

لە ڕاگەیەندراوەكەدا ئەوەش خراوەتەڕوو، “كۆی نەوتی هەناردەكراوی مانگی شوبات لە كێڵگەكانی ناوەڕاست و باشووری عێراق 79 ملیۆن و 105 هەزار و 329 بەرمیل بووە، هەروەها لە كێڵگە نەوتییەكانی كەركوكیكیشەوە 3 ملیۆن و 772 هەزار و 428 هەزار بەرمیل نەوت هەناردەی بەندەری جەیهانی توركی كراوە”.

تێكڕای بەهای یەك بەرمیل نەوتی فرۆشراو لەو مانگەدا، 60.33 دولار بووە، وەك وەزارەتی نەوتی عێراق ئاشكرایكردووە.

بابەتی پێشتر

لاپۆرتا لەبارەی دەستگیرکردنی بارتۆمیو هاتە دەنگ

بابەتی دواتر

کالدیرۆن: لیڤەرپوڵ خواستی لەسەر محەمەد سەڵاحە، بەڵام..

بابەتی پەیوەندیدار
Total
1
Share