هاتوچۆی سلێمانی هۆشداری بە شۆفێران دەدات.
بەڕێوەبەرایەتیی ھاتوچۆی سلێمانی، رایگەیاند، ئاگاداری سەرجەم شۆفێران دەکەین ئێستا شەقامی نێوان تاسلوجە بەرەو ئاراستەی راپەرێن و بە پێچەوانەوە، هەروەها بەشێکی زۆری شەقامەکان بە ئاراستەی دەرەوەی شاری سلێمانی بەھۆی چڕیی بەفربارین مەترسیی خزین و ھەڵخلیسکاندن و نەمانی کۆنترۆڵی ئۆتومبێلی لەسەرە و ئەگەری بەرچاو ھەیە بۆ پەککەوتن و رووداوی نەخوازراوی لێدەکەوێتەوە.
دەشڵێت، داواکارین لە شۆفێران بۆ حاڵەتی زۆر پێویست نەبێت شۆفێری نەکەن و نەیەنە دەرەوە تاوەکو ئەو کاتەی کۆتایی بەم شەپۆلە بەفربارینە دێت.
