دەستپێکردنەوەی خەرجیی وەزارەتەکان لە هەرێم راگەیەندرا

وەزارەتی دارایی و ئابووری هەرێم دەستپێکردنەوەی خەرجیی وەزارەتەکانی راگەیاند و رێنماییەکانی بۆ ئەو مەبەستە بڵاوکردەوە.

بەپێی نووسراوێکی وەزارەتی دارایی و ئابووری هەرێمی کوردستان، لە ئەمڕۆوە خەرجیی وەزارەتەکان بەپێی رێنماییە نوێیەکان دەستپێدەکاتەوە.

لە 10 ی کانوونی یەکەمی 2024 وەزارەتی دارایی هەرێم خەرجیی تایبەتی دامەزراوەکانی راگرت بە مەبەستی یەکلاکردنەوەی ژمێرەکان.

بەپێی رێنماییەکانی وەزارەت، بەهۆی ئەوەی هەرێم یاسای بودجەی ساڵی 2025 ی نییە، خەرجییەکان لەسەر رێژەی 1/12 ی خەرجیی فعلی ساڵی 2024 دەبێت تا ئەو کاتەی یاسای بودجە پەسەنددەکرێت.