ژووری ئۆپراسیۆن بۆ بەڕێوەبردنی قەیران و کارەسات رایدەگەیەنێت، شەپۆلێکی بەهێزی بەفر و بارانبارین هەرێمی کوردستان دەگرێتەوە.
ژووری ئۆپراسیۆن بۆ بەڕێوەبردنی قەیران و کارەسات لە راگەیەندراوێکدا بڵاویکردەوە، لە شەوی پێنجشەممەوە، شەپۆلێکی بەفر و بارانبارین روو لە ناوچەکانی هەرێمی کوردستان دەکات و پلەی گەرمی بەشێوەیەکی بەرچاو دادەبەزێت.
ئاماژە بەوەشدەکات، لە هەندێک ناوچە بەفر تا نزیکەی 30 سانتیمەتر دەبارێت. کاریگەریی شەپۆلەکە تاوەکو درەنگانی شەوی هەینی و بەرەبەیانی رۆژی شەممە، بەردەوامدەبێت.
هۆشدارییش بە هاوڵاتییان دەدات، کە لەگەڵ ئەم شەپۆلی بەفربارینە ئاگاداری سەلامەتیی خۆیان بن.
