کەشناسیی هەرێمی کوردستان راگەیەندراوێکی بڵاوکردەوە

کەشناسیی هەرێمی کوردستان، لەبارەی گۆڕانکارییەکانی کەشوهەوا راگەیەندراوێکی بڵاوکردەوە.

بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، رایگەیاند، پێشبینیدەکرێت ئەمشەو نمەبارانی یچڕپچڕ بەردەوامیی هەبێت لە زۆربەی ناوچەکانی هەرێمی کوردستان لەگەڵ بەفربارین لە ناوچە سنوورییەکان و شاخاوییە بەرزەکان و هەندێک لەو ناوچانەی نزیکن لە ناوچە شاخاوییە سنوورییەکان.

دەشڵێت، هەروەها ئەگەری بارینی تێکەڵەی بەفر و باران هەیە لە سنووری پارێزگای دهۆک و ئیدارەی زاخۆ.

بارانی 12 کاتژمێری رابردووی هەندێک لە ناوچەکانی هەرێمی کوردستان:

دهۆک 12.3 ملیم

زاخۆ 17.2 ملیم

ئامێدی 0.2 ملیم

بامەڕنی 0.6 ملیم

بارزان 1.2 ملیم

خەبات 0.2 ملیم