شارەزایەکی بواری کەشناسی رایدەگەیەنێت، لە مەودای درێژخایەندا، لە هەرێمی کوردستان سەرمای زۆر بەهێزتر بەڕێوەیە.
شاڵاو هیدایەت، شارەزای بواری کەشناسی رایگەیاند، شەوی رابردوو ساردترین شەوی زستان نەبوو و بەڵکو لە مەودای درێژخایەندا سەرمای بەهێزتر بەڕێوەیە، بەتایبەت لەناو چلەی زستان، بەشێوەیەک، کە لە هەندێک ناوچە سەرما دەگاتە ئاستێک کە وێنەی نەبووبێت.
وتیشی، لە بەشێک لە ناوچەکان، سەرما تا ئەو ئاستە دەڕوات کە درەختی جۆراوجۆر وشک دەکات و ئەگەر ئۆتۆمبێلەکان ئەنتی فریزیان تێنەکرێت زیانیان پێدەگات، ئەو ناوچانەی دەکەونە ناو بازنەی ئەو سەرما بەهێزە بریتین لە، سلێمانی، ئیدارەی راپەڕین، کۆیە، بادینان، سنووری هەولێر و بە پلەی دووەم ناوچەکانی باکووری گەرمیان دێن.
