هەڤاڵ ئەبوبەکر پارێزگاری سلێمانی رایگەیاند، بەهۆی کارەساتی لافاوەکەی چەمچەماڵ و رووداوەکانی سنووری گەرمیان، بەبۆنەی سەری ساڵەوە هیچ ئاهەنگ و بۆنەیەک سازناکەن.
هەڤاڵ ئەبوبەکر ئەبوبەکر پارێزگاری سلێمانی لە راگەیەندراوێکدا بڵاویکردەوە، بە بۆنەی نزیکبوونەوەی جەژنی لەدایکبوونی حەزرەتی مەسیح (سڵاوی خودای لەسەر بێت)و هاتنی ساڵی نوێی زاینییەوە، پیرۆزبایی لە هەموو خوشک و برایانی مەسیحیمان و هەموو خەڵکی پارێزگای سلێمانی و کوردستان و جیهان دەکەین.
ئاماژەی بەوەشکرد، لەبەر ئەو کارەسات و رووداوە ناسۆرانەی لە سنووری قەزای چەمچەماڵ و ئیدارەی سەربەخۆیی گەرمیان روویاندا و قوربانیی و برینداربوون و زیانی زۆری لێکەوتەوە، لە پێناوی پشتیوانیی و دەربڕینی هاوخەمیی بۆ هەمووان، وەک پارێزگای سلێمانی؛ دڵنیاتاندەکەینەوە؛ لەگەڵ ئەوەی هەموو رێکارێکی پێویستیی کارگێڕی و ئارامی و ئاسایش و خزمەتگوزاریی پێویست گیراونەتەبەر، بەڵام هیچ بۆنە و ئاهەنگێکی رەسمی لە سنوری پارێزگای سلێمانیدا بەڕێوەنابرێن.
