وتەبێژی فەرماندەی گشتیی هێزە چەكدارەكانی عێراق، شەوی ڕابردوو 16ی تشرینی یەکەم، كوژرانی سەركردەیەكی داعشی لە پارێزگای كەركوك ڕاگەیاند.
ڕاشیگەیاندووە لە میانی ئۆپەراسیۆنەكەدا، سەركردەیەكی داعش كە پشتێنەیەكی بۆمبڕێژكراوی لەخۆی بەستبوو و لەناو تونێلکێکدا خۆی حەشاردابوو، كوژراوە.
ڕێكخراوی داعش لە حوزەیرانی ساڵی 2014دا، بەتەواوی پارێزگاكانی نەینەوا، سەلاحەدین و ئەنباری داگیركرد لەگەڵ بەشێكی پارێزگاكانی دیالە و كەركوك كە دواتر لە ماوەی چەند ساڵێكدا لە دەست ئەو ڕێكخراوە ڕزگاركران.
سەرۆكوەزیرانی پێشووتری عێراق، حەیدەر عەبادی لە نۆی كانوونی یەكەمی 2017دا، سەركەوتنی بەسەر ئەو ڕێكخراوەدا ڕاگەیاند، لەگەڵئەوەشدا شانە نوستووەكانی ڕێكخراوەكە تاوەکو ئێستا بەردەوامن لەسەر ھێرشەكانیان بەتایبەت لە ناوچەكانی سەربە پارێزگاكانی نەینەوا، كەركوك، دیالە، سەلاحەدین و ئەنبار.
