د. فازڵ نەبی بریكاری پێشووتری وەزارەتی دارایی عێراق رایدەگەیەنێت، بۆ ئەوەی لە 2025 كێشەی مووچە دروستنەبێتەوە پێویستە وەفدێكی باڵا و تەكنیكی لە هەرێمی كوردستانەوە سەردانی بەغداد بكات و لەگەڵ حكومەتی عێراق و سەرۆكی دادگای فیدراڵیی عێراق باس لە ئەرك و مافی نێوان هەردوولا بكرێت.
وتیشی، “بۆ تێچوو و بەرهەمهێنانی یەك بەرمیل نەوتی هەرێم 16 دۆلار دانراوە و كاتێك رەشنووسەكە بۆ ئەنجومەنی نوێنەرانی عێراق نێردرا بەشێك لە پەرلەمانتاران كەوتنە دژایەتیكردنی، لەكاتێكدا ئەگەر هەناردەی نەوتی هەرێم دەستپێبكاتەوە بەشێكی زۆری كێشەكانی نێوان هەرێم و بەغداد چارەسەردەبن.
ئاماژەی بۆ ئەوەش كرد، بەهۆی داهاتی نانەوتيی هەرێمەوە مووچەی مانگی 12ی ساڵی رابردوو بووە قوربانی”.
