بەڕێوەبەرایەتیی هاتوچۆی چەمچەماڵ رایدەگەیەنێت، لیژنەیەک بۆ تۆمارکردنی ئەو ئۆتۆمبێلانە پێکهێندرا کە لە لافاوەکەدا زەرەرمەند بوون.
بەڕێوەبەرایەتیی هاتوچۆی چەمچەماڵ رایگەیاند، ئاگاداری سەرجەم هاوڵاتییانی سنووری چەمچەماڵ و دەوروبەری دەکەینەوە، کە ئۆتۆمبێلەکانیان بەهۆی لافاوەوە زەرەرمەندبوون لیژنەیەک پێکهێندراوە و سبەینێ هەینی، کاتژمێر 09:00ـی سەرلەبەیانی، تاوەکو کۆتایی هەفتە، لە هاتوچۆی چەمچەماڵ دادەنیشن بۆ تۆمارکردنی ئۆتۆمبێلەکانیان.
ئاماژەی بەوەشکرد، ئەم بڕیارە بە نووسراوێک لەلایەن نووسینگەی جێگری سەرۆکی ئەنجومەنی وەزیرانەوە دەرکراوە.
