لەدوای ئەو لافاوەی لە چەند رۆژی رابردوودا سنووری قەزای چەمچەماڵی گرتەوە، لە بەیانی ئەمڕۆوە هەڵمەتی پاککردنەوەی شارەکە دەستیپێکردووە.
پەیامنێری تۆڕی میدیایی ئێستا لە شاری چەمچەماڵ گواستییەوە، لە کاتژمێر 8:00 ی بەیانییەوە تیمەکانی کۆمپانیای ئۆنزۆ بە هاوکاری ئەو ئامێرانەی لەلایەن مەکتەبی ئیدارە و دارایی گشتی یەکێتیی نیشتمانیی کوردستانەوە دابینکراوە، هەڵمەتی پاککردنەوەی کۆڵان و شەقامەکانی چەمچەماڵ دەستیپێکردووە.
ئاشکراشیکرد، بڕیارە هەڵمەتەکە بەردەوام بێت تا ئەو کاتەی تەواوی شەقام و کۆڵانەکان پاکدەکرێنەوە.
