هەنگاوە كردارییەكان بۆ دروستكردنی چوار بەنداوی ستراتیژی لە هەرێمی كوردستان دەستپێدەكات

ەزیری كشتوكاڵ و سەرچاوەکانی ئاو لە هەرێم رایدەگەیەنێت، لە كۆبوونەوەیەكدا لە بەغداد دەست بەهەنگاوە كردارییەكان كرا لە جێبەجێكردنی چوار بەنداوی ستراتیژیی لە هەرێم و نۆژەنكردنەوەی سێ بەنداوەکەی هەرێمی كوردستان و دروستكردنی بەنداوی بچووك بۆ كۆكردنەوەی ئاو و لە هەمانكاتدا بە خێرایی تیمی تەكنیكی نێوان هەردوولا پێكهێنرا، بەمەبەستی دابینكردنی تێچووە داراییەكان و جێبەجێیكردنی رێكاری كرداری بۆ هەر سێ ئەو بابەتانەی كە گفتوكۆیان لەبارەوە كرا.

بێگەرد تاڵەبانی وەزیری كشتوكاڵ و سەرچاوەکانی ئاو لە هەرێم رایگەیاند، لەبەر رۆشنایی كۆبوونەوەی پێشوومان لەگەڵ سەرۆك وەزیرانی عێراق و پێشكەشكردنی پێشنیاز و داواكارییەكانی وەزارەتمان سەبارەت بە پەرەپێدانی ستراتیژیی بەڕێوەبردن و چۆنییەتی سوود وەرگرتن لە سەرچاوەكانی ئاوی هەرێم، ئەمڕۆ دووشەممە لەگەڵ عەبدولكەریم حسێن سەرۆكی دەستەی راوێژكارانی سەر بە ئەنجومەنی وەزیرانی عێراق كۆبووینەوە.

ئاماژەی بۆ ئەوەش كردووە، لە كۆبوونەوەكەدا تاوتوێی دوایین هەماهەنگی و بەرەوپێشچوونەكانی نێوانمانكرا، لەبەر ڕۆشنایی ئەو داواكاریی و دیكۆمێنتانەی كە پێشكەشمانكردوون، بەمەبەستی خێراكردنی هەنگاوەكانی دروستكردنی چوار بەنداوە ستراتیژییەكەی هەرێم كە بریتییە لە بەنداوەکانی (مەنداوە، دەڵگە، تەقتەق و باكرمان) هەروەها دابینكردنی پاڵپشتیی دارایی بۆ نۆژەنكردنەوەی هەر سێ بەنداوە گرنگەكەی هەرێمی كوردستان(دوكان، دەربەندیخان و دهۆك)و لە هەمانكاتدا هاوكاریكردنی وەزارەتمان بۆ دروستكردنی بەنداوی بچووكی كۆكردنەوەی ئاو و سوود وەرگرتن لە سەرچاوەكانی ئاوی هەرێم.

دەشڵێت، “بە سوپاسەوە لەم كۆبوونەوەیەدا دەست بە هەنگاوە كردارییەكان كرا لە جێبەجێكردنی هەر چوار بەنداوە ستراتیژییەكە و نۆژەنكردنەوەی سێ بەنداوە گرنگەكەی هەرێمی كوردستان و دروستكردنی بەنداوی بچووكی كۆكردنەوەی ئاو، لە هەمانكاتدا بەخێرایی تیمی تەكنیكیی نێوان هەردوولا پێكهێنرا، بەمەبەستی دابینكردنی تێچووە داراییەكان و جێبەجێیكردنی رێكاری كرداریی بۆ هەر سێ ئەو بابەتانەی كە گفتوكۆمان لەبارەیەوە كرد”.

بابەتی پێشتر

لەبارەی كێڵگەی غازی كۆرمۆرەوە روونكردنەوە دەدرێت

بابەتی دواتر

بایدن دۆخی باری لەناکاوی بۆ ساڵێکی دیکە لە عێراق درێژکردەوە

بابەتی پەیوەندیدار
زیاتر ببینە

لە سلێمانی فرۆشگایەک داخرا

بەهۆی پابەندنەبوون بەرێنماییەکان و هاڕینی ترش بەشێوەیەکی ناتەندروست، لە سلێمانی فرۆشگایەک داخرا و دەستبەسەر نزیکەی چوار تۆن ترشی…
زیاتر ببینە

ڤیزای ئێران ڕاگیرا

بەپێی بڕیارێکی وەزارەتی دەرەوەی ئێران ڕایگەیاند، لەژێر ڕێنمایی وەزارەتی تەندروستیی ئەو وڵاتەدا بۆ ماوەی 15 ڕۆژ پێدانی ڤیزای…
Total
0
Share