وتەبێژی وەزارەتی وزە و سامانە کانزاییەکانی ئوردن، رایگەیاند، مانگانە 300 هەزار بەرمیل نەوت لە عێراقەوە هاوردە دەکەین.
لیندا عەبادی، وتەبێژی وەزارەتی وزە و سامانە کانزاییەکانی ئوردن، رایگەیاند، دابینکردنی نەوتی خاو لە عێراقەوە بۆ وڵاتەکەمان بەردەوامە کە سەرچاوەیەکی گرنگی ئاسایشی وزەیە.
وتیشی، “رۆژانە بڕی 10 هەزار بەرمیل لە عێراقەوە هاوردەدەکەین و تێکڕای مانگانە 300 هەزار بەرمیلە، ئەوەش بەگوێرەی رێککەوتنێک کە لەنێوان وەزارەتی نەوتی عێراق و وەزارەتی وزە و سامانە کانزاییەکان لە مانگی ئایاری 2023 واژووکراوە”.
