ئەمڕۆ دووشەممە تۆمەتبارێک دەستگیرکرا کە بەنیازبووە منداڵێک بە بڕی 13 هەزار دۆلار بفرۆشێت.
بەپێی دەزگای هەواڵگریی فیدراڵیی سەربە وەزارەتی ناوخۆی عێراق تۆمەتبارێک لە بەغداد دەستگیرکراوە کە بەنیازبووە منداڵێکی تەمەن سێ مانگ بفرۆشێت بە بڕی 13 هەزار دۆلار.
ئاماژە بەوەشکراوە، منداڵيکە ناسنامەی دیار نییە و نازانرێت چۆن کەوتووەتە دەستی ئەو تۆمەتبارە.
هەر هەمان رۆژ دوو تۆمەتباری دیکە دەستگیرکران کە بازرگانییان بە پارچە شوێنەوارە مێژووییەکانەوە دەکرد و ژمارەیەک پارچەی شوێنەواریش لە کاتی دەستگیرکردنیشیاندا دەستگیراوە بەسەر 14 پارچە شوێنەواردا.
