ئەمڕۆ نرخی بەنزین لە بەنزینخانەکاندا دابەزینی بەخۆیەوە بینی و وتەبێژی بەنزینخانەکانی سلێمانییش زانیاریی نوێ ئاشکرادەکات.
بەهمەن قادر، وتەبێژی بەنزینخانەکانی سلێمانی بە تۆڕی میدیایی ئێستای راگەیاند، دوای هێرشکردنە سەر کێڵگەی کۆرمۆر، پێشبینیی ئەوە دەکرا نرخی بەنزین بەرزببێتەوە، بەڵام ئەمڕۆ پێچەوانەکەی روویدا و نرخەکەی دابەزی.
وتیشی، ئێمە بەپێی بارودۆخەکە مامەڵەدەکەین و ناتوانین پێشبینیی بەرزبوونەوە یان دابەزینی زیاتری نرخی بەنزین بکەین، بەڵام لەئێستادا بازاڕی فرۆشتنمان دابەزیوە، بۆیە پێویست ناکات هاوڵاتییان لە بەرزبوونەوەی نرخی بەنزین نیگەران بن.
