بەڕێوەبەرایەتیی ئاوەڕۆی کەرکوک لەبارەی ئەگەری روودانی لافاو هۆشداری بە دانیشتووانی چەند گەڕەکێکی کەرکوک دەدات.
بەڕێوەبەرایەتی ئاوەڕۆی کەرکوک بڵاویکردەوە، لە ناوچەکانی (شۆراو، پەنجاعەلی، سەیادە، و ناوچەکانی دەوروبەری ناوەندی شار) لە هەندێك جێگە دۆڵ هەیە بە شێوەیەکی هەڕەمەکی پڕکراونەتەوە و بینایان لەسەر دروستکراوە و لەکاتی بارانبارین دەبێتە هۆی دروستبوونی لافاو.
داوایشیکرد، دانیشتوانی نزیک ئەم دۆڵانە وریابن و دووربکەونەوە، دەرچەی ئاوەڕۆکان پاکبکەنەوە و پاشەڕۆیان تێفڕێنەدەن بۆ ئەوەی نەگیرێت و لافاو دروستنەبێت.
