رۆژانە خواردنی خەیار لە زۆربەی حاڵەتەکاندا تەندروستە، بەوپێیەی خەیار سەوزەیەکی دەوڵەمەندە بە ئاو و کالۆرییەکی کەمی تێدایە؛ لێرەدا سوود و زیانەکانی ئەم کردارە، لە زاری پسپۆڕانی تەندروستییەوە دەخەینەڕوو.
سوودە تەندروستییەکانی خواردنی خەیار رۆژانە:
– زیاتر لە %95ـی خەیار لە ئاو پێکهاتووە، ئەمەش لەش بە شێداری دەهێڵێتەوە.
– ئەو ریشاڵەی لە توێکڵی خەیاردا هەیە، رێگری لە قەبزی دەکات.
– بۆ تەندروستیی پێست بەسوودە و هەوکردن کەمدەکاتەوە.
– بەهۆی ئەوەی کالۆرییەکی زۆر کەمی تێدایە و دەتوانێت یارمەتیت بدات بەزوویی هەست بە تێری بکەیت، هۆکارێکە بۆ دابەزاندنی کێش.
– دەوڵەمەندە بە پۆتاسیۆم، کە یارمەتیدەر بێت بۆ رێکخستنی پەستانی خوێن.
بەڵام لەپاڵ ئەم سوودانەدا، دەکرێت خواردنی خەیار لە هەموو رۆژێکدا، ئەم زیانانەی لێبکەوێتەوە:
– ناهاوسەنگیی ئەلکترۆلایت و کەمیی پرۆتین.
– پێکهاتەیەکی تێدایە کە رەنگە ببێتەهۆی غازات لە هەندێک کەسدا، بەتایبەتی کاتێک بە رێژەیەکی زۆر یان لەگەڵ توێکڵەکەیدا بخورێت.
– کێشەی هەرس و دڵەکزێ؛ بەتایبەتی ئەگەر بە گەدەی بەتاڵەوە بخورێت.
– کەمبوونەوەی ئاستی خوێ لە لەشدا.
