وتەبێژی دادگای پارێزگای مەهدیە لە تونس رایگەیاند، بەلەمێکی کۆچبەران لە کەناراوەکانی تونس ژێرئاوکەوت و لانیکەم 40 کەس گیانیانلەدەستدا.
وەلید شەتبری، وتەبێژی دادگای پارێزگای مەهدیە لە تونس رایگەیاند، رووداوەکە بەرەبەیانی ئەمڕۆ چوارشەممە روویداوە و لانیکەم 70 سەرنشین لەناو بەلەمەکەدا بوون؛ تاوەکو ئێستا تەرمی 40ـیان هەڵگیراونەتەوە.
وتیشی، کۆچبەرەکان خەڵکی وڵاتانی کیشوەری ئەفریقان و 30 کەسیان رزگارکراون.
