دەستەی کەشناسیی عێراق بڵاویکردەوە، لە رۆژی یەکشەممەوە یەکەم شەپۆلی بارانبارین دەگاتە هەرێم و تا شەوی دووشەممە بەردەوامدەبێت.
لە راگەیەندراوێکی دەستەی کەشناسی و بومەلەرزەزانیی عێراقدا هاتووە، “لە رۆژی یەکشەممەوە یەکەم شەپۆلی بارانبارین روو لە ناوچەکانی باکووری عێراق دەکات و تا ئێوارەی رۆژی دووشەممە بەردوامدەبێت”.
ئاماژەی بەوەشکرد، “بارانبارینەکە بە شێوەی پچڕ پچڕ و بە بڕی جیاواز دەبارێت، ئەمەش دەبێتە یەکەم شەپۆلی بارانبارین لە وەرزی پایزی ئەمساڵدا”.
