دابه‌شكردنى به‌نزینه‌ 690 دینارییه‌كه‌ى به‌غداد ده‌ستپێده‌كاته‌وه‌

نەوت و کانزاکانی سلێمانی ڕایگەیاند، جارێكى دیكه‌ ده‌ست به‌ دابه‌شكردنى به‌نزینه‌كه‌ى ‏به‌غداد ده‌كه‌نه‌وه‌.‏

بەڕێوەبەرایەتیی نەوت و کانزاکانی سلێمانی لە ڕاگەیەنراوێکدا ئاماژه‌ى به‌وه‌كردووه‌، ‏‏“ئه‌مڕۆ دووشەممە بەنزینی نۆرماڵی عێراقی بەنرخی 690 دینار لە هەریەکە لە ‏بەنزینخانەکانی بەکرەجۆ، تاسڵوجە، دۆڵەڕوت، ئازادی، هەڵەبجە، تانجەرۆ و هەڵەبجە ‏گروپ لەناو شاری سلێمانی دابەشدەکرێت”.‏

هەروەها لە دەرەوەی شاریش لە وێستگەكانى (برایان، خانزادی میر، دوکان، دۆستان، ‏پشدەر) بەنزینی نۆرماڵی عێراقی دابەشدەکرێت.‏

پێشتر به‌هه‌من شێخ قادر، وتەبێژی بەنزینخانەكانی سلێمانی بە تۆڕی میدیایی ‏ئێستای ‏ڕاگەیاندبوو، ‏دووبارە بەغداد ناردنی بەنزینە 690 دینارییەكەی ڕاگرتووە، ‏پێدەچێت ‏هۆكارەكە ‏پەیوەندیی بە بەغداد خۆیەوە هەبێت و كێشەی تەكنیكی، یان كەمی ‏بڕی بەنزین ‏بێت لە ناوەند.‏

وتەبێژەكەی بەنزینخانەكانی سلێمانی وتبووشی، وەزارەتی سامانە سروشتییەكان بەڵێنیداوە ‏ئەو بڕە بەنزینەی بەغداد ڕایگرتووە، پڕبكاتەوە.‏

نەوت و کانزاکانی سلێمانی ئاشكراینەكردووە دەستپێكردنەوەی دابەشكردنی بەنزینە 690 ‏دینارییەكە لەلایەن سامانە سروشتییەكانەوە دابینكراوە، یان ئەوەی بەغدادە و دووبارە ‏نێردراوەتەوە.‏

بابەتی پێشتر

نرخى نه‌وت گه‌یشته‌ سه‌روو 76 دۆلار

بابەتی دواتر

تەرمی ژنێک لە سلێمانی دۆزرایەوە

بابەتی پەیوەندیدار
Total
0
Share