وتەبێژی وەزارەتی ئەوقاف رایدەگەیەنێت، لە کۆتایی ئەم مانگەدا تیروپشک بۆ ناوی حاجیان دەکرێت و ناوەکان رادەگەیەندرێت.
نەبەز ئیسماعیل وتەبێژی وەزارەتی ئەوقاف و کاروباری ئاینی بە تۆڕی میدیایی ئێستای راگەیاند، “پرۆسەی تۆمارکردنی ناوی حاجیان کۆتاییهاتووە، زیاتر لە 80 هەزار کەس ناوی خۆیان تۆمارکردووە”.
ئاماژەی بەوەشکرد، “لە ئێستادا وردبینیکردن لە ناوەکاندا بەردەوامە، ئەوانەی کەموکورتی یان هەڵە لە ناوەکانیاندا هەیە بۆیان نێردراوەتەوە تا چاکی بکەن”.
ئاشکراشیکرد، “لە کۆتایی ئەم مانگەدا بە ئامادەبوونی لایەنە پەیوەندیدارەکان تیروپشک بۆ ناوی حاجیان دەکرێت، ئەگەر رێژەکە هەر وەک ساڵی رابردوو وابێت شەش هەزار و 120 کەس ناویان بۆ رێورەسمی حەجی ساڵی داهاتوو دەردەچێت”.
