ئەمڕۆ هەینی بۆ جاری چوارەم لەسەریەک نرخی نەوت دابەزی، هۆکاری دابەزینی بەردەوامی نرخی نەوت دەگەڕێتەوە بۆ زیادبوونی زۆری خستنەڕووی نەوت لە بازاڕەکانی جیهاندا و بڕی خواست لەسەر نەوت کەمتربووەتەوە.
ئەمڕۆ بەرمیلێک نەوتی خاوی برێنت بە 66 دۆلار و 40 سەنت مامەڵەی پێوەدەکرێت و بەردەوامە لە دابەزین.
ئاژانسی رۆیتەرزی بەریتانی لە راپۆرتێکدا ئاماژەی بەوەکردووە، هۆکاری دابەزینی بەردەوامی نرخی نەوت لەم هەفتەیە، دەگەڕێتەوە بۆ نادڵنیایی وڵاتانی ئەندامی ئۆپێک لەبارەی بڕیاردان لەسەر بڕی خستنەڕووی نەوت بۆ بازاڕە جیهانییەکان.
