شارەزایان ئەوەیان ئاشکراکردووە، چەوری شاراوەی لەشی مرۆڤ کاریگەری هەیە لەسەر پیربوون و ماندووبوونی دڵ و مەترسی مردن و نەخۆشییەکانی دڵی بەدواوەدێت.
رۆژنامەی ئیندیپێندێنت، لە راپۆرتێکیدا ئەوەی ئاشکراکردووە، تەمەنی دڵ لەگەڵ تەمەنی مرۆڤدا هەڵدەکشێت، بەڵام هەندێک مرۆڤ هەن دڵییان زووتر بەتەمەن دەچێت و پیردەبێت، هۆکارەکانی ئەم پیربوونە پێشوەختە، فشاری دەروونی، خواردنی خراپ و کەمیی چالاکیی وەرزشییە، جگە لەوانەش چەوری شاراوەی لەش، بۆماوەیی و ژینگەی دەوروبەریش هۆکاری کاریگەرن.
دکتۆر دیکڵان رێگن پزیشک لە زانکۆی شاهانەی لەندەن، ئاماژەی بەوەکردووە، “توێژینەوەکانمان ئەوەیان نیشانداوین، چەوری شاراوە، کە دەکەوێتە قووڵایی ئەندام و شوێنەکانی لەشی مرۆڤەوە، رەنگە یەکێک بێت لەو هۆکارانەی وابکات دڵ زووتر پیر و ماندوو ببێت، بە تایبەت چەورییە شاراوەکانی ران و کڵۆت، کاریگەری بەرچاوییان لەسەر تەندرووستیی دڵ هەیە”.
لە راپۆرتەکە هاتووە، پیربوون کاریگەری راستەخۆی لەسەر وەستانی دڵ و ناڕێکی لە لێدانی دڵ هەیە، هەوکردنی بەردەوامی دڵ، شێرپەنجە و نەخۆشییەکانی تری دڵی بەدواوەدێت.
