کەشناسیی هەرێمی کوردستان رایدەگەیەنێت، لە چەند کاتژمێری داهاتوودا، شەپۆلێکی خۆڵبارین روو لە بەشێک لە ناوچەکانی هەرێم دەکات.
لە راگەیەندراوێکدا، بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان پێشبینیدەکات، لە چەند کاتژمێری داهاتوودا، کاریگەریی شەپۆلێکی خۆڵبارین روو لە ناوچەکانی بەشێک لە ئیدارەی گەرمیان و سنووری باشووری پارێزگای هەولێر و بەشێک لە پارێزگای کەرکوک بکات.
ئاماژە بەوەشدەکات، کاریگەریی ئەم خۆڵبارینە لە بەشەکانی باکووری رۆژئاوای عێراق سەرچاوەی گرتووە و پێشبینیدەکرێت، کاریگەرییەکەی بۆ ماوەی چەند کاتژمێریک بمێنێتەوە لەسەر ئەو ناوچانە.
