وتەبێژی وەزارەتی پەروەردە رایگەیاند، پێش کۆتایی ئەم مانگە دەستپێکی ساڵی نوێی خوێندن دیاریدەکرێت.
سامان سیوەیلی، وتەبێژی وەزارەتی پەروەردەی هەرێمی کوردستان، رایگەیاند، تاوەکو ئێستا وادەی ساڵی نوێی خوێندن دیارینەکراوە و ئەو دەنگۆیانەی باس لەو وادەیە دەکەن دوورن لە راستییەوە.
وتیشی، “دەستپێکی ساڵی نوێی خوێندن لەچوارچێوەی ساڵنامەی خوێندندا و لە کۆبوونەوەی ئەنجومەنی وەزارەت بڕیاری لەسەر دەدرێت”.
باسی لەوەشکرد، کۆبوونەوەی ئەنجومەنی وەزارەت پێش کۆتایی ئەم مانگە ئەنجامدەدرێت و تیایدا وادەی ساڵی نوێی خوێندن دیاریدەکرێت.
