وتەبێژی وەزارەتی سەرچاوەکانی ئاوی عێراق رایگەیاند، 10 هەزار و 10 حەوزی ماسیی نایاسایی و بێمۆڵەت لەناوبراون.
د.خالید شمال، وتەبێژی وەزارەتی سەرچاوەکانی ئاوی عێراق رایگەیاند، “لەماوەی سێ ساڵی رابردوودا، 10 هەزار و 10 حەوزی ماسیی نایاسایی و بێمۆڵەتمان لەناوبردووە”.
وتیشی، لەو ژمارەیە هەشت هەزار و 481 حەوز لەسەر رێڕەوی رووباری دیجلە و هەزار و 529 دانەشیان لەسەر رێڕەوی فورات دروستکرابوون.
باسی لەوەشکرد، لە لابردنی حەوزە ماسییە بێمۆڵەتەکان بەردەوامین و رێگە بە دروستکردنی حەوز و دەریاچەی بەخێوکردنی ماسی یان پڕۆژەی پیشەسازی نادرێت کە کاریگەری لەسەر توانای گەیاندنی ئاو بۆ پارێزگاکانی باشوور دروستبکات.
