بەڕێوەبەرایەتیی بەرگریی شارستانیی سۆران رایدەگەیەنێت، كەسێك لە رووباری چامە لە سنووری قەزای مێرگەسوور خنكا.
بەپێی راگەیەندراوێكی بەڕێوەبەرایەتیی بەرگریی شارستانیی سۆران كە وێنەیەكی دەست تۆڕی میدیایی ئێستا كەوتووە و تێیدا هاتووە، كەمێك پێش ئێستا ئاگاداركراینەوە لە رووداوێكی خنكان لە رووباری چامە لە سنوری قەزای مێرگەسوور و راستەوخۆ تیمەكانی مەلەوانی گەیشتنە شوێنی رووداوەكە دەركەوت هاوڵاتییەكی تەمەنی 68 ساڵ بووە كە دانیشتووی بەحركەیە لە هەولێر.
هەر لە راگەیەندراوەكەدا هاتووە، تیمەكانمان بە هاوكاریی هاوڵاتییان تەرمەكەیان دەرهێنا لە نێو ئاو و گواستیانەوە بۆ نەخۆشخانەی مێرگەسۆر، دواتر رەوانەی پزیشكی دادی سۆران دەكرێت بۆ توێكاری پزیشكی
