ئایشەگوڵ دۆغان، وتەبێژی دەم پارتی رایدەگەیەنێت، رۆژی هەینی، 11ی تەمموز، رێوڕەسمی چەکدانان لە سلێمانی بەڕێوەدەچێت.
ئایشەگوڵ دۆغان لەبارەی بانگەوازە نوێیەکەی عەبدوڵڵا ئۆجەلان، رێبەری زیندانیکراوی پەکەکە و پێشهاتەکانی ئێستا، پەیامێکی بڵاوکردەوە و رایگەیاند، پابەندن بە داواکارییەکانی ئۆجەلان و بەرەو قۆناغێکی گرنگتر هەنگاو دەنێن.
وتیشی، ئەوان لە 11ـی تەمموز لە شاری سلێمانی دەبن، بۆ چاودێریکردنی رێوڕەسمی چەکدانانی پەکەکە.
ئاماژەی بەوەشکرد، هاوسەرۆکان و نوێنەرانی دەم پارتی، ئامادەی رێوڕەسمەکە دەبن.
