دوای ئەوەی رۆژی پێنجشەممە وەفدێکی تەکنیکی حکومەتی فیدڕاڵ گەیشتنە هەرێم، بڕیارە ئەمڕۆ وەفدێکی باڵاش بگات.
پەیامنێری تۆڕی میدیایی ئێستا لە شاری هەولێر گواستییەوە، “ئێوارەی ئەمڕۆ وەفدێکی باڵای حکومەتی فیدراڵ دەگاتە هەولێر و لەگەڵ وەفدی حکومەتی هەرێم کۆدەبێتەوە”.
ئاماژەی بەوەشکرد، وەفدەکە لە ئاستێکی باڵادایە و دەسەڵاتی بڕیاردانیان لەلایەن محەمەد شیاع سودانییەوە پێدراوە”.
وتیشی، “پرسەکانی هەناردەکردنەوەی نەوتی هەرێم، تەوتینی مووچەی مووچەخۆرانی هەرێم و داهاتی ناوخۆ، بابەتی سەرەکی کۆبوونەوەکان دەبن و بڕیاریان لەبارەوە دەدرێت”.
