پۆلیسی سلێمانی دەستگیرکردنی کەسێکی بە رەگەز عەرەبی راگەیاند کە هەستاوە بە ساختەکردنی گرێبەستی یەکەی نیشتەجێبوون.
بەڕێوەبەرایەتیی پۆلیسی سلێمانی بڵاویکردەوە، لەسەر سكاڵای چەند هاوڵاتییەك و لە لایەن نوسینگەی ساختەكاری بەشی نەهێشتنی تاوانی سلێمانییەوە تۆمەتبارێكی بە ناسنامە عەرەب دەستگیركرا كە هەستابوو بە ساختەكردنی گرێبەستی كڕینی یەکەی نیشتەجێبوون.
ئاماژەی بەوەشکرد، لە ئێستادا تۆمەتبار (ف، ع، ر لە دایكبووی 1970) پێنج سكاڵای لەسەرە، پێشینەی هەمان تاوانیشی هەیە و لە رابردوودا لەسەر هەمان تاوان دەستگیرلراوە، لە ئێستادا بە بڕیاری دادوەر و بەپێی ماددەی 289-298 ی یاسای سزادانی عێراقی راگیراوە و لێكۆڵینەوە لەگەڵیدا بەردەوامە.
