بەڕێوەبەری گشتیی ئاژانسی نێودەوڵەتیی وزەی ئەتۆم رایدەگەیەنێت، نازانن ئێستا یۆرانیۆمی پیتێندراوی ئێران لە کوێیە و رەنگە بەشێکیشی، لەناوچووبێت.
رافایێڵ گرۆسی، بەڕێوەبەری گشتیی ئاژانسی نێودەوڵەتیی وزەی ئەتۆم لە چاوپێکەوتنێکدا لەگەڵ کەناڵی بی بی سی، رایگەیاند، ئێران بەرنامەیەکی ئەتۆمیی بەرفراوان و گەورەی هەبووە و رەنگە بەشێکی بەرنامەکەشەی، هێشتا لە شوێنی خۆیدا مابێت، ئەمەش بە کردەوەی سەربازی لەناوناچێت و دەبێت رێککەوتن بکرێت.
ئەوەشیخستەڕوو، ئێران دەوڵەتێکی پێشکەوتووە لە بواری تەکنەلۆجیای ئەتۆمی و ئەم راستییەش ناتوانرێت بسڕدرێتەوە.
