بەپێی نوێترین ئامار و داتاکان، عێراق لە رووی یەدەگی غازەوە لە پلەی پێنجەمی وڵاتانی عەرەبی دێت و بەشێکی بەرچاوی ئەو سامانەش دەکەوێتە هەرێمی کوردستان و پارێزگای سلێمانیەوە.
لە راپۆرتێکی ناوەندی توێژینەوەی وزەی ئەمریکا سەبارەت بە یەدەگی غازی 10 وڵاتی عەرەبی، هاتووە، کۆی یەدەگی غازی سەلمێندراو، لەو 10 وڵاتە عەرەبییە ئاستێکی پێوانەیی تۆمارکردووە، هەریەکە لە قەتەر، سعودییە و ئیماڕات، کۆنتڕۆڵی %70ی کۆی یەدەگی ئەو غازەیان کردووە.
ئەوەش خراوەتەڕوو، عێراق لەو لیستەدا لە پلەی پێنجەم دێت و خاوەنی 131 ترلیۆن پێ سێجا یەدەگی غازە، بەشی زۆری ئەو یەدەگەش دەکەوێتە سنووری هەرێمی کوردستان، بەتایبەت پارێزگای سلێمانی و کێڵگەی کۆرمۆر لە چەمچەماڵ، ئەمەش چەمچەماڵی کردووە بە سەبەتەی غاز و وزەی عێراق.
