بەپێی مەرسوومێکی سەرۆکایەتیی وڵاتەکە، مووچەی سەرجەم فەرمانبەرانی سوریا بە رێژەی 200% بەرزکرایەوە.
بەپێی مەرسوومێکی سەرۆکایەتیی سوریا، کە لە رۆژی یەکشەممەوە دەرچووە، بڕیاری زیادکردنی مووچە، فەرمانبەرانی شارستانی، سەربازیی، كارمەندانی كۆمپانیا و دامەزراوەكانی كەرتی گشتیی و یەكە كارگێڕییەكان كەرتی هاوبەش ئەوانەی كە رێژەی پشكداریی دەوڵەت تێیاندا 50% ی سەرمایەكەیەتی دەگرێتەوە.
هەر بەپێی مەرسوومەکە، زیادكردنی مووچە لە سوریا سەرجەم فەرمانبەرانی کاتی و کارمەندانی رۆژانەكانەش دەگرێتەوە.
مەرسوومی سەرۆکایەتیی سوریا لەلایەن ئەحمەد شەرع سەرۆکی کاتیی وڵاتەکە واژوو کراوە، بە ئامانجی بەرزکردنەوەی ئاستی بژێوی هاوڵاتییانی وڵاتەکە.
