بەرپرسێکى ئەمریکى پێیوایە شەڕى ئەمجارەى نێوان ئێران و ئیسرائیل هەفتەیەک دەخایەنێت.
بەرپرسێکى ئەمریکى رایگەیاند، بەپێى خەمڵاندنەکانیان شەڕى نێوان ئیسرائیل و ئێران هەفتەیەکى تەواو دەخایەنێت.
کەناڵى ئەلجزیرە لە زارى بەرپرسەکەوە وتیشى، “چاومان لەسەر پاراستنى هێزەکانمانە لە رۆژهەڵاتى ناوەڕاست، چونکە هەڕەشە و پێشهاتەکان بەردەوام لە پەرەسەندندان”.
بەرەبەیانى دوێنێ ئیسرائیل هێرشێکى چڕوپڕى بۆ سەر تاران و ژمارەیەک شار و ناوچەى دیکەى ئێران ئەنجامدا و بەهۆیەوە چەندین سەرکردەى سەربازى و زاناى ئەتۆمى کوژران، جگە لە تێکدانى ژێرخانى سەربازى و ئەتۆمى.
شەوى رابردووش ئێران بە هێرشێکى هاوشێوە وەڵامى ئیسرائیلى دایەوە و چەندین ناوچەى لە تەلئەبیب و شارەکانى دەوروبەر کردە ئامانج.
دواتریش هەردوولا بەشێوەى جۆراوجۆر هێرش و پەلاماردانیان بۆسەر یەکتر درێژەپێدا.
