سەرچاوە ئیسرائیلییەکان، رایانگەیاند، بە هۆی هێرشی ئێران سێ کەس کوژراون و زیاتر لە 80 کەس برینداربوون.
بەیانیی ئەمڕۆ شەممە، سەرچاوە ئیسرائیلییەکان بڵاویان کردەوە، بەههۆی هێرشی مووشەکیی ئێران بۆ سەر ئیسرائیل سێ کەس کوژراون و زیاتر لە 80 کەسی دیکە برینداربوون.
باس لەوەشدەکەن، مووشەکەکانی ئێران لە نزیکی ماڵەکان کەوتوونەتە خوارەوە و هێشتا چەند کەسێک لە ژێر داروپەردوودا گیریان خواردووە.
سوپای ئیسرائیل رایگەیاند، کار بۆ رێگریکردن لە شەپۆلی نوێی مووشەکەکان دەکەن کە لە ئێرانەوە هەڵدەدرێن.
