بەڕێوەبەری بەنداوی دوکان رایدەگەیەنێت، بەردانەوەی ئاو بەشێوەی ئاسایی بەڕێوەدەچێت و هیچ گرفتێکی نییە.
کۆچەر جەمال بەڕێوەبەری بەنداوی دوکان بە تۆڕی میدیایی ئێستای راگەیاند، لە ئێستادا بەنداوی دوکان بە رێژەی 24% ئاوی تێدایە و کە بۆ ئەو رێژەی بارانەی ئەمساڵ باریوە ئاساییە و بەردانەوەی ئاویش رۆژانە بە شێوەیەکی ئاسایی بەڕێوەدەچێت.
وتیشی، کارەکانی ئێمە تەواو هونەرییە، نە پەیوەندی بە نووسراوەوە هەیە نە فشار و داواکاری، بەپشتبەستن بەو رێژە ئاوەی لە بەنداوەکەدا هەیە و بە گوێرەی پێویستیی بەنداوەکە ئاو بەردەدرێتەوە.
