بڕیارە ئەمڕۆ ئەنجومەنی پشتیوانی هەڵەبجە سەردانی سێ سەرۆکایەتییەکەی عێراق بکات و داواکاریی بەپارێزگابوونی هەڵەبجە جارێکی دیکە بخەنەوەروو.
چرۆ حەمەشەریف نوێنەری هەڵەبجە لە ئەنجومەنی نوێنەرانی عێراق بە تۆڕی میدیایی ئێستای راگەیاند، ئێمە ئەمڕۆ وەک ئەنجومەنی پشتیوانی هەڵەبجە سەردانی سێ سەرۆکایەتییەکەی عێراق دەکەین و لەگەڵ سەرۆک کۆمار و سەرۆک وەزیران و سەرۆکی ئەنجومەنی نوێنەران بە وەکالەت کۆدەبینەوە.
ئاشکراشیکرد، ئامانج لە سەردانەکەمان پرسی بەپارێزگابوونی هەڵەبجەیە، دەمانەوێت سێ سەرۆکایەتییەکە لە خستنەڕووی پرۆژەیاساکە و پەسەندکردنی پشتیوانیمان بکەن.
