دۆناڵد ترەمپ، لە گرتەیەکی ڤیدیۆییدا کە درەنگانی شەوی ڕابردوو یەکشەممە 3ی تشرینی یەکەم، ڕایگەیاند کە بە تەواوی هەست بە باشی دەکات و بە پاڵپشتی چارەسەرەکان لە چەند ڕۆژی داهاتوودا بە تەواوی تێیدەپەڕێنێت.
سەرۆکی ئەمریکا ڕایگەیاند، “سەرجەم ئەوانەی لە نەخۆشخانکەدان بەفراوانی کاردەکەن تاوەکو بەزوترین کات بگەڕێمەوە بۆ کۆشکی سپی، پێویستیشە بە خێرایی بگەڕێمەوە بۆ کۆشکی سپی لە پێناو هەمیشە مانەوەی ئەمریکا بە گەورەیی”.
ترەمپ دەڵێت، “بەردەوامی بە بانگەشەی هەڵبژاردنەکان دەدەین، بە شێوەیەکی باش وەک چۆن لەسەرەتاوە دەستمان پێکرد”، دەشڵێت، “ملیۆنان خەڵک لە جیهاندا تووشی ڤایرۆسی کۆرۆنا بوون، من تەنها لە پێناو ئەمریکییەکاندا ڕوبەڕووی ڤایرۆسەکە نابمەوە بەڵکو لە پێناو هەموو جیهاندا ئەوە دەکەم”.
